點止<蚊怕水> 咁簡單!!
天氣回暖又潮濕，黎緊仲有5天復活節長假度，相信大家總會同親朋好友外出活動一番，同家人BBQ下，又或者行下山、踏下單車，伸展一下。身邊有朋友經常問我，點樣可以自製有效又天然既蚊怕水，又唔會比蜜蜂追! (因為有些成份太香甜，雖然驅到蚊，但佢既花香味就吸引了蜜蜂^0^)。所以，今日就教下大家自製一支既能驅蚊，同時又驅蠓，仲有止痕功效既＜蚊怕水＞啦!
６種材料，３分鐘時間，便能製成。先把以下５種精油加入深色噴霧瓶內，再加入５０ＭＬ 伏特加，搖勻後便可使用。建議噴於衣服上，如有任何不適，請諮詢專業人士意見。若貯存於陰涼地方，保質期為３個月。
＜蚊怕水＞材料:
- 伏特加 50ML (任何品牌都可以，各大型超市有售)
- 有機檸檬草精油 (Lemongrass Oil) 10滴
- 有機香茅精油 (Citronella Oil) 10滴
- 有機檸檬尤加利精油 (Lemon Eucalyptus Oil ) 10滴
- 有機薄荷精油 (Peppermint Oil) 15滴
- 有機薰衣草精油 (Lavender Oil) 5滴
這支＜蚊怕水＞氣味非常宜人，近日教書時與同學們分享，他們覺得氣味清新，仿如置身於泰國一樣，驅蚊同時又令人回憶起愉快的旅行感覺，這支＜蚊怕水＞你一定要試! 你亦可把它當作家居噴霧使用，噴於蠓蟲出現的位置，既驅蚊蟲，氣味又宜人，又能憶起旅行的感覺，一舉三得，樂趣無窮！